Куыстытæ иууылдæр кæнынц федералон программæ «Горæты æнцонвадат архайд»-мæ гæсгæ
Дзæуджыхъæуы цалцæг кæнынц 19 æхсæнадон территорийы. Куыстытæ иууылдæр кæнынц федералон программæ «Горæты æнцонвадат архайд»-мæ гæсгæ. Фæлладуадзæн фæзтæ цæттæ уыдзысты сентябрмæ, фæлæ ис ахæм бынæттæ дæр, æмæ дзы куыстытæ фæуыдзысты æмгъуыдæй раздæр. Цавæр фæзтæ сты æппæтæй базилинагдæр, уый тыххæй радзурдзæн Тъехты Элинæ.
Къахт асфальт, йæ фарсмæ та æппæрстæй лæууы тротуарон плиткæ. Ахæм уавæры ныридæгæн ис Хъесаты Колкайы уынг. Фæлæ фæззæджы райдайæнмæ уавæр аивдзæн. Цалцæггæнæн куыстытæ куы райдыдтой, уæд специалисттæ аластой бадæн бынæттæ, стæй скалдтой зæронд асфальт.
Цалцæггæнæн куыстытæ кæнынц терчыбыл дæр, Штыбы фæзы рдыгæй. Ам куыст фылдæр ис. Фæлæ фæуыдзысты афойнадыл – сентябры. Æхсæнадон территори канд рæсугъд нæ, фæлæ ма йæ æнцонвадат дæр кæнынц. Ныридæгæн Дзæуджыхъæуы цалцæг кæнынц 19 æхсæнадон территорийы. Фæлæ дзы æппæтæй зындæр кусæн у терчыбыл.
Куыстытæ иууылдæр кæнынц федералон программæ «Горæты æнцонвадат архайд»-мæ гæсгæ. Фæлладуадзæн фæзтæ цæттæ уыдзысты сентябры. Ныридæгæн ис, цалцæггæнæн куыстытæ æмгъуыдæй раздæр кæм фæуыдзысты, ахæм территоритæ дæр.
Дзæуджыхъæуы администрацийы ныридæгæн кусынц, иннæ аз цы фæлладуадзæн фæзтæ цалцæг кæндзысты, уыцы хыгъдыл. Уæдæ хатдзæгтæ скодтой, горæты цæрджыты хъуыдымæ гæсгæ æдзæллагдæр цы фæзтæ сты, уыцы хъæлæсгæнæн процессæн дæр. Базилынхъуаг фæзтæй иу у Фæскомцæдисонты парк. Уымæ гæсгæ йæ цалцæг кæнын райдайдзысты 2024-æм азы.
