Хаст æм æрцыдысты алы азты фыст æмдзæвгæтæ уырыссагау æмæ дыгуронау
«Фæлварæнтæ». Ахæм сæргондимæ чиныгæй баххæст Ирыстоны чингуыты къæбиц. Дзæуджыхъæуы центрон библиотекæйы уыд поэт, тæлмацгæнæг, литературон журнал «Ирæф»-ы редактор Миндзайты Валентинæйы поэтикон æмбырдгонды презентаци. У йæ фыццаг æмбырдгонд. Хаст æм æрцыдысты алы азты фыст æмдзæвгæтæ уырыссагау æмæ дыгуронау. Чиныг мыхуыры рацыд ацы аз Мæскуыйы. Йæ тираж у 300 экземпляры. Ис дзы 144 сыфы. Чиныгсаразæг у Къибирты Амырхан. Йæ куыстытæй йæ саив кодта нывгæнæг Джиоты Дианæ. Презентаци зæрдиагæй бацæттæ кодтой Дзæуджыхъæуы центрон библиотекæйы кусджытæ. Мадзал амыдта Мурсаты Риммæ. Архайдтой дзы Цæгат Ирыстоны фысджыты Цæдисы сæрдар Хозиты Барис, журнал «Ирæф»-ы сæйраг редакторы хæдивæг Колыты Виталий, Уæрæсейы сгуыхт артист Сæбанты Тамерлан, республикæйы æхсæнадон змæлд «Аланты ныхас»-ы разамынды минæвæрттæ, Миндзайты Валентинæйы хиуæттæ, зонгæтæ, поэзи уарзджытæ. Се ппæт дæр раарфæ кодтой авторæн. Куыд загътой, афтæмæй Валентинæйы поэзийы рæнхъытæ æххæст сты философон хъуыдытæй. Презентацийы азæлыдысты йе *мбырдгонд «Фæлварæнтæ»-й æмдзæвгæтæ.
