13 июня 2024, 11:46
Дзæуджыхъæуы центрон парчы арæзт æрцыд фестиваль «Адæмты хæлардзинад – Уæрæсейы иудзинад»
Сæрдыгон эстрадæйы сценæмæ рацыдысты 30 сфæлдыстадон коллективæй фылдæр
«Адæмты хæлардзинад – Уæрæсейы иудзинад». Ирыстон Уæрæсеимæ куы баиу, уый 250 азы кадæн Дзæуджыхъæуы центрон парчы арæзт æрцыд фестиваль. Сæрдыгон эстрадæйы сценæмæ рацыдысты 30 сфæлдыстадон коллективæй фылдæр. Артисттæ равдыстой не стыр бæстæйы алывæрсыг культурæтæ. Сфæлдыстады скъолатæ, адæмон ансамбльтæ æмæ национ-культурон æхсæнадтæ акодтой кæфтытæ, азарыдсты, радзырдтой æмдзæвгæтæ. Ахæм мадзæлттæ горæты цæрджытæн систы традици. Æрвылаз концерт бацæттæ кæны Хæлардзинады республикон хæдзар Цæгат Ирыстоны национ политикæйы æмæ æддагон бастдзинæдты министрады æххуысæй. Тематикон фæзтæ бабæрæг кæныны фадат уыд алкæмæндæр.
темæмæ гæсгæ
