филиал вгтрк государственная телерадиовещательная компания “Алания”

Дзæуджыхъæуы центрон парчы парахатæй сбæрæг кодтой уæлæмхасæн ахуырады бон. Республикæйы уæлæмхасæн ахуырады системæйы минæвæрттæ баиу сты, цæмæй сывæллæттæн æмæ ныййарджытæн равдисой, уæгъд рæстæг цымыдисагæй арвитæн куыд ис, уый. Сæйраг нысан уыд радзурын ног къордты, секциты æмæ скъолаты тыххæй. Сывæллæттæн бацæттæ кодтой хъæздыг программæ. Картинг, фыццаг æххуыс кæныны уроктæ медицинон волонтертæй, æдасдзинады лаборатори паддзахадон автоинспекцийы кусджытимæ, спортивон центр, космонавтикæйы скъола æмæ хъæлдзæг ерыстæ. Уый у æрмæст программæйы иу хай. Æппæтæй чысылдæр уазджыты ирхæфстой аниматортæ. Бæрæгбоны архайджытæн бацæттæ кодтой лæвар адджинæгтæ.