Ацы куыст аивадуарзджыты ахæссы ивгъуыдмæ æмæ дзуры, архитектурæйы хæлд цыртдзæвæны ног цард куыд бауагътой, уый тыххæй
«Искусство сохранять. Дом Вахтангова». Дзæуджыхъæуы уыд, номдзыд театралон режиссеры хæдзар сног кæныны тыххæй документалон кинонывы æхгæд равдыст. Ацы куыст аивадуарзджыты ахæссы ивгъуыдмæ æмæ дзуры, архитектурæйы хæлд цыртдзæвæны ног цард куыд бауагътой, уый тыххæй. Кинонывы æвдыст цæуы, рацарæзты хъæппæрис кæмæ разынд, стæй специалисттæ-реставратортæ цы зындзинæдтимæ æмбæлдысты, уый. «Искусство сохранять. Дом Вахтангова» систой культурон хъæппæристы президентон фонды æххуысæй. Бæлвырддæр радзурдзæн Хъайтмазты Дзерассæ.
Ацы киноныв аивадуарзджыты зæрдыл æрлæууын кæны, Евгений Вахтанговы хæдзар байгом кæныны ирд мадзал, дзуры, реконструкцийы хъæппæрис кæмæ разынд, стæй специалисттæ-реставратортæ цы зындзинæдтимæ æмбæлдысты, уый тыххæй.
Цалдæр азы истори сæмбырд кодтой иу кинолентæйы. У профессионализмы, курдиаты тыхы æмæ намысы тыххæй. Кæлæддзаг уавæры архитектурæйы цыртдзæвæн бонæй-бонмæ кæй фæрцы аивдæр кодта, уыдоны се *ппæты тыххæй.
Ацы культурон артдзæстимæ ма æнæхъæн киноныв дæр кæй фæзындзæн, уый тыххæй Кирилл Крок зонгæ дæр нæ кодта. Æвæццæгæн, уымæн рауадис ахæм цымыдисаг.
Уый фæрцы историйы баззайдзæн Вахтанговты райгуырæн хæдзар сног кæныны хъуыддаг. Ацы объектæй абон сæрыстыр сты республикæйы æмæ æппæт Уæрæсейы дæр.
