Программæйы – 6 дисциплинæйæ фæлтæрæнтæ
Рæвдздæр. Уæлдæр. Тыхджындæр. Дзæуджыхъæуы уыд «Фæллой æмæ хъахъхъæнынадмæ цæттæдзинад»-ы фестивалы регионалон къæпхæн. Ерыс кодтой республикæйы алы районтæй чызджытæ æмæ лæппутæ. Программæйы – 6 дисциплинæйæ фæлтæрæнтæ. Сентябры сывæллæтты лагерь «Артек»-ы уыдзæн фестивалы æппæтуæрæсеон къæпхæн. Бæлвырддæр нæ дарддæры æрмæджы.
Бон 2 хатты тренировкæтæ, æмæ афтæ æрвылбон. Цæлойты Стеллæ фæллой æмæ хъахъхъæнынадмæ цæттæдзинады нормативтæ радтынмæ 2 мæйы цæттæ кодта йæхи. Фарон сæ сæххæст кодта 4 къæпхæны æмæ райста сыгъзæрин нысан. Ууыл не рлæууыд. Ныр бафæлвæрдта йæ тыхтæ 5-æм къæпхæны. Стеллæ куыд зæгъы, афтæмæй æнцон нæ уыд. Хорз бæрæггæнæнтæ сты уæззау фæллойы хатдзæгтæ.
Хи хатдзæгтæ фæхуыздæр кæнын – уый у фæсивæды сæйрагдæр нысантæй иу. Æппæтуæрæсеон физкультурон-спортивон комплекс «Фæллой æмæ хъахъхъæнынадмæ цæттæ»-йы регионалон фестиваль республикæйы астæуккаг ахуырадон организациты ахуырдзауты *хсæн æрæмбырд кодта хуыздæртæй хуыздæрты. Архайдта дзы 70 адæймаджы – 6 командæйы Дзæуджыхъæуæй, Рахизфарсы, Кировы, Алагиры, Мæздæджы æмæ Горæтгæрон районтæй.
Фестивалы программæйы – фæлварæнты æнæхъæн комплекс. Архайджытæ сæ тыхтæ æвзæрстой 6 дисциплинæйы. Се *хсæн: бынатæй дæргъмæ гæпп, тезгъо, размæ æргуыбыр кæнын, прессæн фæлтæрæнтæ, пурти æхсын, лæппутæн хи хæрдмæ ивазын æмæ чызджытæн пъолæй хæрдмæ лхъивын. Мадзал саразджытæ куыд зæгъынц, афтæмæй ГТО-йы нормативтæ дæттынмæ бацæттæ кæнын ис скъолайы программæ æххæстгæнгæйæ физкультурæйы урочыты.
Фестиваль арæзт у 3 къæпхæнæй: муниципалон, регионалон æмæ æппæтуæрæсеон. Сентябры кæрон 8 уæлахиздзауы абалц кæндзысты сывæллæтты лагерь «Артек»-мæ. Уым уыдзæн фестивалы 3-аг къæпхæн. Ерыс дзы кæндзысты бæстæйы хуыздæр спортсментæ.
![Соц Сети Соц Сети](https://alaniatv.ru/wp-content/uploads/2019/01/Alania_TG_1140x151.gif)