филиал вгтрк государственная телерадиовещательная компания “Алания”

Дзæуджыхъæуы уыд хæдахуыр къамисæг Харебаты Константины куыстыты равдыст. Фенæн дзы ис царды нывтæ, æрдзы сконд, айнæг къæдзæхтæ, кæркæ-мæркæ дидинджытæй фæйлаугæ быдыртæ. Цыбыр ныхасæй йæ  алыварс цы уыдта, уыдон баззадысты йæ хуызистыты. Равдыстмæ та йæ сразæнгард кодта æмæ баххуыс кодта йæ рвад, нывгæнæг Харебаты Давид. Харебаты Константин у Советон æфсады офицер. Ныртæккæ кусы Дзæуджыхъæуы наукон центры геофизикон институты. У технологон наукæты кандидат, доцент, ис ын 100 наукон куыстæй фылдæр. Фæлæ кæд йæ дæсныйад бæлвырд наукæтимæ баст у, уæддæр йæ миддунейы у стыр курдиаты хицау æмæ уымæн æвдисæн равдыстмæ æрбацæуæг адæм.