05 декабря 2024, 11:06
Дзæуджыхъæуы уыд хæрзаудæн концерт «За Россию»
Йæ саразыны хъæппæрис разынд республикæйы адæмон артист Сергей Петросянмæ æмæ Уæрæсейы æфсæддонты ныййарджыты Советмæ
Дзæуджыхъæуы уыд хæрзаудæн концерт «За Россию». Йæ саразыны хъæппæрис разынд республикæйы адæмон артист Сергей Петросянмæ æмæ Уæрæсейы æфсæддонты ныййарджыты Советмæ. Патриотон концертмæ æрбацыд бирæ адæм. Цы фæрæзтæ сæмбырд, уыдон схардз кæндзысты хæстонтæн гуманитарон æххуысæн. Сергей Петросян æфсæддонты ныййарджыты Советимæ æртыккаг аз æмархайд кæны, хæрзаудæн концерттæ та аразынц ацы аз райдианæй. Ацы хатт мадзалы кадджын уазæг сси Мæскуыйæ профессионалон зарæггæнæг Илья УшуллУ. Патриотон концерт æххæстгæнгæйæ Советы уæнгтæ аивады архайджытæн саккаг кодтой хæрзиуджытæ æмæ кады гæххæттытæ.
темæмæ гæсгæ
