Сенарийы автор æмæ режиссер у Олеся Тишина. Куыд радзырдта, афтæмæй киноныв ист æрцыд сæрмагондæй фестивальты архайынмæ, ома йæ стыр прокаты æвдисынмæ нæ хъавынц.
Дзæуджыхъæуы ма уыд æндæр кинолентæйы премьерæ дæр. Цыбыр комеди «Дедушка Сырдон» феныны фадат уыд алкæмæн дæр. Сенарийы автор æмæ режиссер у Олеся Тишина. Куыд радзырдта, афтæмæй киноныв ист æрцыд сæрмагондæй фестивальты архайынмæ, ома йæ стыр прокаты æвдисынмæ нæ хъавынц. Фæлæ йæ арвитдзысты Английы фестивальмæ. Афтæмæй фæсарæйнаг аивадуарзджытæн фадат уыдзæн Нарты кадджыты цымыдисагдæр цаутимæ базонгæ уæвынæн.
Дзæуджыхъæуы уыд цыбыр комеди «Дедушка Сырдон»-ы премьерæ. Йæ фенынмæ æрбацыд бирæ адæм, залы бынат дæр нал уыд.
Киноныв ист æрцыд ирон аивады традицитæ æххæстгæнгæйæ. Йæ режиссер æмæ автор Олеся Тишина куыд зæгъы, афтæмæй йæ сразæнгард кодтой зæронд ирон худындзæг кинонывтæ.
«Дедушка Сырдон» систой Цæгат Ирыстоны къуыримæ, равдыстмæ та йæ цæттæ кодтой иу мæй. Сæйраг ролы ахъазыд хуымæтæг адæймаг Эдуард Элбакян. Кинонывы сурæттæ ма сарæзтой киноскъола Alaniawood-ы хъомылгæнинæгтæ. Æвзонг актертæ сæ нтыстдзинады фæдыл æрцыдысты хорзæхгонд. Кинонывмæ бакаст Цæгат Ирыстоны кинематографистты цæдисы сæрдар Гулуты Вячеслав, стæй уазджытæ Дагестанæй.
Кино архайдзæн фестивальты, фæлæ йæ уæрæх экраныл равдисыны фæнд нæ кæнынц. Йæ премьрæ та арæзт æрцыд парти «Иугонд Уæрæсе»-йы регионалон хайады æххуысæй.
Дарддæр ацы киноныв фендзысты, Английы цы фестиваль уыдзæн, уым, æмæ фæсарæйнаг аивадуарзджытæ йæ фæрцы базонгæ уыдзысты Нарты цымыдисаг цаутимæ. Киноныв дæр уыцы хъуыдыимæ ист æрцыд, цæмæй фылдæр адæм базонгæ уой ирон культурæ æмæ национ эпосимæ.
