7 азæй 17 азы онг кæуыл цæуы, ахæм рæзгæ фæлтæр ерыс кодтой фыццаг бынат райсыныл
Дзæуджыхъæуы уыдысты авиамодельтæ аразыны спортæй республикон ерыстæ. 7 азæй 17 азы онг кæуыл цæуы, ахæм рæзгæ фæлтæр ерыс кодтой фыццаг бынат райсыныл. Кæд иууылдæр уæлахизы аккаг нæ систы, уæддæр сæхи кæй бафæлвæрдтой, уый дæр хорз у. Не сфæлдыстадон къорд æвдисæн уыди, цы модельтæ бацæттæ кодтой, уыдонæн. Цымыдисаг ерысты тыххæй бæлвырддæр радзурдзæн Касаты Наирæ.
12 аздзыд Давид цымыдисæй дзуры йæ планеры тыххæй. Сæмбырд æй кодта йæхæдæг, уæрæсейаг æрмæджытæй. Иуфарсæй кæсгæйæ адæймаджы уырнгæ дæр нæ бакæндзæн, ацы модель цы бирæ хæйттæй арæзт у, уый.
Лæппу йе ргом цы хъуыддагмæ здахы, уый хорзыл банымадтой йæ ныййарджытæ дæр.
Ацы ерыстæ сты 73-æм хатт. Баиу кæнынц 7 азæй 17 азы онг кæуыл цæуы, ахæм фæлтæры. Сты республикæйы техникон-сфæлдыстадон центрты минæвæрттæ. Ацы хатт ерысты архайдтой Кæсæг-Балхъарæй уазджытæ дæр. Бирæ фæсивæдæн ацы мадзал у стыр гæнæнтæм фыццаг къæпхæн. Цæгат Ирыстоны дыууæ минæвары ныридæгæн систы Уæрæсейы иугонд командæйы уæнгтæ.
Давид Вартанянæн уалахизмæ не сфаг ис иу къахдзæф. Бацахста фыццаг бынат. Уый та ууыл дзурæг у, æмæ йæм йæ сæйраг уæлахизтæ æнхълмæ кæсынц разæй. Афтæмæй хыгъд æрцыдысты спортивон ерысты бæрæггæнæнтæ. Уæлахиздзаутæн радтой кубоктæ æмæ майдантæ.
