филиал вгтрк государственная телерадиовещательная компания “Алания”

Ног азы æнкъарæнтимæ балц. Дзæуджыхъæуы уынгты цæуы бæрæгбонмæ гæсгæ аивгонд трамвай. Бæлццæтты ласы лæвар, уыимæ дзы æвдыст цæуынц Ног азы кинонывтæ æмæ мультфильмтæ. Маршрутмæ трамвай рацæуы алы бон дæр. Йæ фыццаг æрлæууæн ис 26-æм скъолайы цур, 17 сахатыл. Дарддæр цæуы æнæ бауромгæйæ. Йæ фæндаг у 1 сахат æмæ рдæг, æмæ фæстæмæ æрбаздæхы 26-æм скъолайы размæ. Бæлцæттæм ис иунæг курдиат, цæмæй æххæст кæной эпидемиологон домæнтæ. Трамвай кусдзæн 17-æм январьмæ. Ныронг бирæты бон бацис ног азы трамвайы ацæуын, уæлдай тынгдæр та фæцыд сывæллæтты зæрдæмæ.