Уыдоны фæрцы горæты центрон хайы машинæты нымæц фæкъаддæр уыдзæн 25%
Фæстаг рæстæг Дзæуджыхъæуы зынгæ сырæзт транспорты нымæц. Бынæттон администрацийы æркæсынмæ хъавынц ахсджиаг фарстамæ – дыууæ ног хиды саразынмæ. Трамвайтæ, маршрутон такситæ, автобустæ, рог машинæтæ. Цæнгæт хидыл цæуынц горæты транспорты æппæт хуызтæ. Уымæн æмæ у центрмæ æппæтæй хæстæгдæр маршрут. Цæнгæт хид кæд фæтæн у, уæддæр фаг нал фæкæны. Раздæр фарста лыггонд цыди фæндаггон нысанты æмæ светофорты фæрцы. Уыцы мадзæлттæ ахадгæ нал сты. Дзæуджыхъæуы уынгты фæндаггон хыз уыйбæрц машинæтыл нæ аххæссы. Ныртæккæ цæттæ кæнынц гæххæттытæ, ног хидты саразыны фæдыл. Уыдоны фæрцы горæты центрон хайы машинæты нымæц фæкъаддæр уыдзæн 25%. Æдæппæтæй нæ республикæйы сæйраг горæты ис 11 хиды. Уыдонæй 7 сты цалцæггæнинаг. Ног хидты арæзтад та машинæты хицæуттæн фадат ратдзæн ног уаццæгтыл цæуынæн, æмæ кæрæдзийы ма стыхсын кæнынæн.
