Уарзондзинад фыццаг бакастæй æмæ хæлардзинад дæсгай азтæм. Æнувыд æмбал ссарæн ис Дзæуджыхъæуы питомниччы. Уым арæзт æрцыд гом дуæртты бон. Йæ саразджытæ æууæндынц – ахæм акциты руаджы цыппаркъахыг æмбæлттæ ссардзысты сæхицæн хæдзæрттæ. Питомниччы цæрджыты бабарæг кодта не сфæлдыстадон къорд. Ныхасы бар Чехойты Фатимæйæн.
Дзæуджыхъæуы питомниккæй дардмæ хъуысы куыйты рæйын. Уый æрбацыдысты уазджытæ. Гом дуæртты бон цыппаркъахыг цæрæгойты бабæрæг кодтой скъоладзаутæ. Ахуыргæнджыты руаджы ацы сывæллæттæ куыйтæн æмæ гæдытæн æвзæрдзинад никуы бакæндзысты.
Республикæйы ветеринарийы управленийы æмæ æнæкоммерцион куыстуаты иумæйаг хъæппæрис питомниччы гом дуæртты бон саразынæн фæзынд фыццаг хорз хатдзæгтæ. Иу бонмæ йæ бабæрæг кодтой 30 адæймаджы. Сæ фылдæр уыдысты ныййарджытæ сывæллæттимæ. Уыдон æрбахастой хæринаг питомниччы цæрджытæн. Акци сывæллæтты зæрдæты æвзæрын кæны уарзондзинад алфамблай дунемæ.
Акцимæ чи æрбацыд, уыдонæй иу зæрдæхæлар адæймаг сси алабайы хицау. Ахæм стыр куйты куы *рцахсынц, уæд сæ уынгмæ нал рауадзынц, уым баззайынц цæргæйæ. Приют сси мингай куыйты хæдзар. 2024 азы адæм ам ссардтой сæхицæн 70 цыппаркъахыг æмбалы. Уый тынг гыццыл у. Питомниччы ис алыхуызон куыйтæ, се *хсæн хæрзмыггаг, лæппынтæ æмæ бирæ азтæ кæуыл цæуы, ахæмтæ.
Гом дуæртты бон аразын фæнд кæнынц арæхдæр. Ис æрбацæуæн питомникмæ, æрбахæссæн куыйтæн хæринæгтæ. Æмæ уæд хъуамæ адæймагæн фæзына ног цыппаркъахыг æмбал.
