Проектыл кусы Стиль проекты æрмадз æмæ Дзæуджыхъæуы архитекторты командæ
Дзæуджыхъуы сæйраг фистæгæйцæуæн фæндаджы рацарæзт дарддæр цæуы. Куыстытæ аразынц къæпхæнгай. Сæ аивадон хуыз раздахдзысты Сæрибары фæзæн æмæ ма Сабырдзинады проспекты иу уаццагæн. Нырма уал æвзарынц аивгæнæн æрмæджытæ. Проектыл кусы Стиль проекты æрмадз æмæ Дзæуджыхъæуы архитекторты командæ. Архайд цæуы Къостайы номыл фæлладуадзæн парчы рацарæзтыл дæр. Реконструкци райдыдта фарон, ныр та куыстытæ сты сæ тæмæны. Темæ дарддæр хæццæ кæны Гутъиаты Алинæ.
Сабырдзинады проспекты Кировы уынгæй Дзанайы-фырты уынгмæ уаццаг сцалцæг кодтой авд азы размæ. Фистæгæйцæуæн фæндагмæ бæстон базылдысты. Къахвæндаг рамраст кодтой, æмæ уый фæрцы бæстыхæйтты рагон бакаст раргом ис. Аразджытæ бацархайдтой алы бæстыхайæн дæр йæ историон хуыз раздахыныл. Ам ныр нал фендзынæ хъулон-мулон фыстытæ, аивта æддаг къулты бакаст дæр.
Дзæуджыхъуы сæйраг фистæгæйцæуæн фæндаджы рацарæзт дарддæр цæуы. Куыстытæ аразынц къæпхæнгай. Сæ аивадон хуыз раздахдзысты Сæрибары фæзæн æмæ ма Сабырдзинады проспекты иу уаццагæн. Нырма уал æвзарынц аивгæнæн æрмæджытæ. Уыцы куыстмæ ис тынг бæрнон ахастдзинад. Лæмбынæг кæсынц суанг дурты асмæ. Проектыл кусы Стиль проекты æрмадз æмæ Дзæуджыхъæуы архитекторты командæ.
Компани «Стиль-проект» архайы Къостайы номыл фæлладуадзæн парчы рацарæзтыл дæр. Реконструкци райдыдта фарон, ныр та куыстытæ сты сæ тæмæны. Ивддзинæдтæ ныридæгæн бæрæг дарынц. Аразджытæ халынц зæронд арæзтæдтæ. Зæгъæм, Ракушкæйы бынаты сараздзысты ног эстрадæ. Хъæдын æнцойгæнæнтæ сæвæрдзысты хидтыл дæр, фонтанты раз та ныссаддзысты фылдæр бæлæстæ.
Архитекторты нысан се нцонтæй нæу. Хъæуы сæ сног кæнын парчы историон хуыз, стæй бацархайын, цæмæй уа хуымæтæг æмæ æнцонархайд. Сæ куысты æнцой кæнынц архивон къамтыл æмæ хаххнывтыл. Рацарæзт фæуыдзæнис 2020 азы.
