Бæстонæй æрныхас кодтой, Цæгат Ирыстоны социалон-экономикон рæзты мадзæлттæ куыд æххæстгонд цæуынц, ууыл
Республикæйы хицауады сæрдар Дзанайты Барис æмæ Уæрæсейы экономикон рæзты министрады Цæгат Кавказы федералон зылды социалон-экономикон рæзты программæ æххæст кæныны департаменты директор Камиль Бексултановæн Дзæуджыхъæуы уыди кусæг фембæлд. Бæстонæй æрныхас кодтой, Цæгат Ирыстоны социалон-экономикон рæзты мадзæлттæ куыд æххæстгонд цæуынц, ууыл. Дæлхайады разамонæг бабæрæг кодта, республикæйы кæуыл кусынц, цалдæр ахæм объекты. Камиль Бексултанов куыд загъта, афтæмæй регион æвдисы зæрдæмæдзæугæ ивддзинæдтæ. Социалон – экономикон рæзты программæты бæрæггæнæнтæ æмбæлгæ æмвæзадыл уыдысты куыд фарон, афтæ ацы азы фыццаг кварталы дæр. Хицæн æмæ ахадгæ æргом здæхт цæуы, Беслæны генералон пъланы мадзæлттæм. Камиль Бексултанов куыд фæнысан кодта, афтæмæй, зæгъæн ис, æмæ объекттæн се ппæтæн дæр фæрæзтæ дихгонд цæуы фаг. Уымæй уæлдай, Департаменты директор бæстонæй æрлæууыд Мæздæджы æмæ Горæтгæрон районты объекттыл. Ныридæгæн цæттæ у 15 объекты проектон-сметон документаци. Сæ баххæст кæныны курдиæттæ æрвыст æрцыдысты федералон хицаудзинады оргæнтæм. Цыдæриддæр бакусинаг мадзæлттæ снысан кодтой, уыдон ииууылдæр æххæстгонд æрцæудзысты фæткмæ гæсгæ, загъта Дзанайты Барис.
