Мадзал арæзт æрцыди бæстæйы Президенты æххæстбарджын минæвар Цæгат-Кавказы федералон зылды Юрий Чайкайы разамындæй
Хицауады сæрдар Дзанайты Барис видеобастдзинады фæрцы архайдта æдасдзинады, коррупцийы ныхмæ æмæ барадхъахъхъæнынады фарстаты фæдыл Координацион советы æмбырды. Мадзал арæзт æрцыди бæстæйы Президенты æххæстбарджын минæвар Цæгат-Кавказы федералон зылды Юрий Чайкайы разамындæй. Боны фæткмæ цы фарстатæ рахастой, уыдоны хсæн – Уæрæсейы арæнтæм хæстæг субъектты паддзахадон арæнхъахъхъæнæн политикæйы фарстатæ. Стæй, барадхъахъхъæнæг æмæ æххæстгæнæг хицаудзинады оргæнты архайд диверсион-террористон æмæ экстремистон фæзындты ныхмæ. Юрий Чайка куыд фæнысан кодта, афтæмæй ацы фарстатæ паддзахады цур раздæрау сты фыццаградонтæ. Бæрнондæр цæст дарын хъæуы машинæты цæстдарæн-уадзæн пунктты куыстмæ. Дзанайты Барис йæ доклады загъта, «Уæллаг Ларс»-ы арæнты сæрты хизынæн республикæйы хицауад сæрмагонд мадзæлттæ кæй скодта, уый. Уыимæ дзы афæдзы кæронмæ эксплуатацийы ратдзысты рæстæгмæйы æрлæууæн. Бынат дзы уыдзæни 420 уæзласæн машинæйæн æмæ 250 та рог машинæтæн. Æрлæууæн уыдзæни Дзæуджыхъæуы иувæрсты кæй сарæзтой, уыцы федералон фæндагыл. Цæгат Ирыстоны Сæргълæууæг Сергей Меняйло бахæс кодта, уæзласæн æмæ рог машинæтæн æртæ рæстæгмæйы æрлæууæнæн фæрæзтæ æмæ Кировы, Горæтгæрон районы æмæ Дзæуджыхъæуы зæххы хæйттæ радих кæныны процедурæ фæтагъддæр кæнын. Юрий Чайка куыд загъта, афтæмæй æрмæстдæр хицаудзинады æмæ барадхъахъхъæнæг оргæнты æмархайдæй æмæ æмзондæй ис террористон æмæ экстремистон фæзындты ныхмæ ахадгæйæ тох кæнæн.
