Æмбырд амыдта Уæрæсейы Хицауады сæрдары хæдивæг – промышленносты æмæ базарады министр Денис Мантуров
Хицауады Сæрдар Дзанайты Барис видеобастдзинады хуызы архайдта промышленнон продукцийы æнæзакъоны зилдухы ныхмæ паддзахадон къамисы æмбырды.
Ацы аз уыд фæстаг хатт. Æмбырд амыдта Уæрæсейы Хицауады сæрдары хæдивæг – промышленносты æмæ базарады министр Денис Мантуров. Архайдтой ма дзы æххæстгæнæн хицаудзинады федералон оргæнты, стæй нæ бæстæйы субъектты минæвæрттæ. Сæйраг фарстатæй иу уыд – маркировкæйы национ системæйы рæзт, æмæ цæстдарæн архайды ахадындзинад. Абоны онг маркировкæ кæнынц нæ бæстæйы æнæхомаг продукцийы 20%, 24 товарон къорды. Уымæй дарддæр цæуынц 13 бархион эксперименты ног товарон къордты. æмæ 4 эксперименты æнæхæрзхъæд æмæ æдасдзинадæн дзуапп чи нæ дæтты, ахæм товартæм цæстдарды. Цæгат Ирыстоны стыр æргом здахынц цæрджытæм ахадгæ æмæ æдас хостæ хæццæ кæнынмæ. Кусы мониторинджы федералон информацион системæ. Æнæниздзинадмæ цæстдарды цæгатирыстойнаг Управленийы специалисттæ бæстон кæсынц æнæхæрзхъæд медицинон продукцийы зилдухмæ.
