Дзæуджыхъæу сси Уæрæсейы 10 регионæн сæ фыццаг, горæты арæзтады æмæ архитектурæйы къабазы раззагдæр эксперттæ горæты нырыккон æнцонвадат царды райрæзты мадзæлттыл кæм ахуыр кæндзысты, ахæм
Хицауады сæрдар Дзанайты Барис архайдта рухстауæн программæ «Городские практики»-йы байгом кæныны кадджын мадзалы. Дзæуджыхъæу сси Уæрæсейы 10 регионæн сæ фыццаг, горæты арæзтады æмæ архитектурæйы къабазы раззагдæр эксперттæ горæты нырыккон æнцонвадат царды райрæзты мадзæлттыл кæм ахуыр кæндзысты, ахæм. Æххæст æй кæны ДОМ.РФ. Дзанайты Барис куыд загъта, афтæмæй ДОМ.РФ нæ республикæйæн у ахсджиаг æмæ хъæугæ платформæ. Райрæзты институты командæ уыди Дзæуджыхъæуы, аргъ скодта горæты рæзты социалон-экономикон уавæрæн, æркасти культурон æмæ экологон аспекттæм дæр. Зæгъын хъæуы уый, æмæ горæты рæзты пълан аразгæйæ æнæмæнгæй хыгъд æрцæудзысты цæрджыты фæндонтæ дæр. Премьер куыд загъта, афтæмæй ацы программæйы фæзы кусгæйæ, республикон командæйæн фадат ратдзæни нырыккон зонындзинæдтæ райсынæн. Уымæй уæлдай ма, ног фæлтæрддзинады фæрцы фæахадгæдæр уыдзæн проекттæ аразыны хъуыддаг. Ахуырадон мадзæлтты цикл специалисттæн æрмæст уæлæмхасæн цæттæгæнæн фæрæз нæу, фæлæ ма сын дзы сæ хъæппæристæн кæнынц тестытæ. Равзæрст темæ у ахсджиаг дизайн-код. Уыимæ, фадат дæтты цыбыр рæстæгмæ зæрдæйы фæндон хатдзæг райсынæн. Сæйрагдæр та – платформæ у горæтмæ туристты ргом здахыны социалон-экономикон æууæл. Дзæуджыхъæуæн ис æмбал кæмæн нæй, ахæм хъæздыг истори. Æмæ дзы дизайн-кодæн ис уæлдай нысаниуæг. «Городские практики» æххæстгонд цæуы Уæрæсейы Хицауады æххуысæй, æмæ йæ нысан у уæрæсейаг горæттæ æнцонвадат царды къабазы дæсны специалисттæй сифтонг кæнын.
