Премьер-министр арæнхъахъхъæнæг – ветерантæн арфæ ракодта, республикæйы Сæргълæууæг Сергей Меняйлойы номæй
Цæгат Ирыстоны хицауады сæрдар Дзанайты Барис архайдта Уæрæсейы Æдасдзинады Федералон Службæйы арæнхъахъхъæнæн оргæнты 107 азы кадæн мадзалы. Премьер-министр арæнхъахъхъæнæг – ветерантæн арфæ ракодта, республикæйы Сæргълæууæг Сергей Меняйлойы номæй. Ведомствæйæн ис хъæздыг истори æмæ бирæ дæнцæгæн хæссинаг цаутæ. 107 азмæ дæлхайадæн уыди алыхуызон статустæ, фæлæ сæ размæ вæрд хæстæ уыдысты уыцы-иу хуызæн – паддзахадон арæнтæ хъахъхъæнын. Абон сæрмагонд æфсæддон операцийы уавæрты не стыр бæстæйы арæнтæ хъахъхъæнынæн ис уæлдай стырдæр ахадындзинад. Ведомствæ æрвылбон æнцон хъуыддæгтæ не ххæст кæны, æвдисы иттæг хорз цæттæдзинад. Бузныг ветерантæн, сæ райгуырæн бæстæйы сæраппонд иузæрдионæй кæй лæууынц, уый тыххæй. Мæ зæрдæ уын зæгъы æнæниздзинад æмæ сабырдзинад, – йæ арфæйы ныхæсты загъта Дзанайты Барис. Мадзалы архайдтой РЦИ-А хицаудзинады оргæнты, барадхъахъхъæнæг æмæ æхсæнады минæвæрттæ. Дзанайты Барис уазджытимæ дидинджытæ æмæ веноктæ сæвæрдта Цæгат Ирыстоны арæнхъахъхъæнджыты цыртдзæвæныл.
