Видеобастдзинады хуызы йæ амыдта Уæрæсейы Хицауады сæрдары хæдивæг Александр Новак
Дзанайты Барис архайта Цæгат Кавказы федералон зылды инвестицион хъомыс раргом кæныны стратегион сессийы. Видеобастдзинады хуызы йæ амыдта Уæрæсейы Хицауады сæрдары хæдивæг Александр Новак. Æмбырды куыд загътой, афтæмæй нæ бæстæйы субъектты экономикон рæзтыл куыст у федералон хицауады фыццаградон хæстæй иу. Куыст арæзт у афтæ, цæмæй регионтæн баххуыс кæной инвестициты ргом æрбаздахынæн. Дзанайты Барис радзырдта, Цæгат Ирыстоны разамынд инвестицион климат фæхуыздæр кæнынæн цавæр куыст цæуы, уый тыххæй. Фыццаджыдæр æххуыс цæуы амалхъомдзинады хъæппæристæн. Уымæн ахъаз у, республикæйы Сæргълæууæджы цур цы инвестициты Совет арæзт æрцыд, уый. Афтæ ацы аз баххуыс кодтой 26 проектæн. Сæ иумæйаг аргъ у 27 миллиард сомы. Æдæппæтæй 10 мæйы хатдзæгтæм гæсгæ республикæйы экономикæ фæхъæздыгдæр 5 миллиард сомæй. Цæгат Ирыстон æвдисы хорз бæрæггæнæнтæ Национ рейтингы. Уымæй дарддæр ма премьер радзырдта раззагдæр проектты тыххæй. Сты нæ республикæйы экономикæйы бындур. Се хсæн: «Агропромышленнон комплекс» , «Туристон рæзт» «Балер кæсаджы хæдзарад», æппæт сезонты кусæг туристон-рекреацион комплекс «Мамисон», «Транспортон-логистикон комплекс».
