Æрныхас кодтой, бархионтæ цы къуылымпыдзинæдтимæ сæмбæлдысты, ууыл
Республикæйы Хицауады сæрдар Дзанайты Барис фембæлд Цæгат Ирыстоны волонтертимæ. Æрныхас кодтой, бархионтæ цы къуылымпыдзинæдтимæ сæмбæлдысты, ууыл. Волонтертæ радзырдтой, сæ машинæтæн артаг кæй нæ фаг кæны, уый. Æрвылбон дæр фæсивæд фæлхасадон хызынтæ ласынц республикæйы дæрддзæф хъæутæм. Активон боны ацæуынц сæдæгай километртæ. Машинæты артаг кæнынц сæхи фæрæзтæй. Мæздæджы та автоволонтертæ дохтыртæн æххуыс кæнынц рынчынтæм цæуынæн. Архайы дзы 10 машинæйы. Волонтертæ радзырдтой сæ фидæнмæ нысанты тыххæй дæр. Бархионты штаб ма фæнд кæны ноджыдæр иу колл-центр саразын коронавирусы фарстаты фæдыл. Ацы хъуыддаджы сын нæ фаг кæны 20 сим картæйы. Дзанайты Барис арфæ ракодта волонтертæн, се ххуысы тыххæй, фыццаджыдæр та Фыдыбæстæйы Стыр хæсты ветерантæн. Проект «Мобилон бригадты æххуыс»-æн скодтоа стыр аргъ. Акцийы фæлгæты волонтертæн лæвар кодтой чырæ хæтæлтæ. Уый у сæ царды хæрзхъæддзинад фæхуыздæр кæнынæн уæлæмхасæн фæрæз.
