09 июня 2022, 13:10
Дзанайты Барисæн кусæг фембæлд уыди арæзтады æмæ Цæрæнуæтты-коммуналон хæдзарады министры хæдивæг Юрий Гордеевимæ
Ныхас цыди арæзтадон комплексы æмæ инфраструктурон проектты арæзтадыл
Хицауады сæрдар Дзанайты Барисæн кусæг фембæлд уыди арæзтады æмæ Цæрæнуæтты-коммуналон хæдзарады министры хæдивæг Юрий Гордеевимæ. Ныхас цыди арæзтадон комплексы æмæ инфраструктурон проектты арæзтадыл. Бæлвырддæр æрныхас кодтой цæрæнуæтты программæтыл. Федералон программæ «Сейсмика»-йы фæрцы та афæдзы кæронмæ рацараздзысты дыууæ скъолайы, Ногиры æмæ Дзæуджыхъæуы. Уымæй уæлдай, Заводскойы арæзт æрцæудзæн 2 рæвдауæндоны. Ацы æмæ иннæ аз Беслæны, Мæздæджы æмæ Кировы районты фæнд кæнынц цæрæнуæтты-коммуналон хæдзарады 7 обекты ног хуызы рацаразын.
