Ныхас цыд 2027-æм – 28-æм азты нысантыл
Хицауады Сæрдар Дзанайты Барисы разамындæй арæзт æрцыд бюджетон проекттæ аразыны къамисы æмбырд. Ныхас цыд 2027-æм – 28-æм азты нысантыл. Сæйраг æфтиæгты тыххæй докладимæ раныхас кодта финансты министры хæстæ рæстæгмæ æххæстгæнæг Оксана Карова. Республикæйы бюджет нысан кæнгæйæ, фыццаджыдæр хъуамæ æххæстгонд æрцæуой æппæт социалон хæстæ. Бюджетон къабазы кусджытæн мызд бафидын, кусгæ чи нæ кæны, уыдонæн медицинон фæдзæхстадæн фиддонтæ, социалон пособитæ æмæ хицæн категоритæн, се хсæн – сæрмагонд æфсæддон операцийы архайджытæн фиддонтæ. Уымæй дарддæр – национ проектты фæлгæты мадзæлттæ æххæст кæнын. Дзанайты Барис куыд загъта, афтæмæй бюджет хъуамæ уа бæлвырдгонд æмæ æххæсса экономикæйы къабазы фыццаградон нысантыл. Куыд ахадгæ уыдзæн республикон бюджет, уымæй аразгæ уыдзæн бынæттон цæрджыты хæрзабон. Паддзахадон хицаудзинады оргæнтæн бабар кодтой хæрдзты инвентаризаци скæнын, æмæ æндæр бæрнон хъуыддæгтыл бакусын.
