Уым æрныхас кодтой коронавирусы инфекци парахат кæнын ма бауадзыныл
Хицауады Сæрдар Дзанайты Барисы разамындæй арæзт æрцыд Оперативон штабы æмбырд. Уым æрныхас кодтой коронавирусы инфекци парахат кæнын ма бауадзыныл. Санитарон-эпидемиологон домæнтæ чи не ххæст кæна, уыдон æййафдзысты æфхæрд. Республикæйы Сæргълæууæджы æмæ Хицауады пресс-службæйæ куыд фехъусын кодтой, афтæмæй ныхас цыд ковидæй рынчынтæн бынæтты фондыл дæр. Ныртæккæ стационарты баззад 104 уæгъд бынаты. Уымæ гæсгæ Цæгат Ирыстоны сæргълæууæджы администрацийы разамонæг Гобеты Ибрагим бабар кодта уæлæмхасæн 100 бынаты бацæттæ кæнын. Куыд ма дзырдтам раздæр, афтæмæй уæлдай уаргъ æрынцад амбулаторон къабазыл. Поликлиникæтæм иу бонмæ вæййы 3 мин дзæнгæрæгæй фылдæр. Ахæм нымæцтимæ кусыныл æххуыс кæнынц Цæгат Ирыстоны медицинон академийы æмæ медколледжы студенттæ. Оперативон штабы æмбырды ма фехъусын кодтой, ныртæккæ нæ республикæйы эпидемиологон уавæр ОРВИйы рынчынтæй фæфылдæр 154%.