Бæстон ныхас дзы цыд Цæгат Ирыстоны экономикæйы къабазы уавæрыл стæй чысыл æмæ атсæуккаг бизнесæн æххуысы мадзæлттыл
Хицауады Сæрдар Дзанайты Барисы разамындæй арæзт æрцыд республикæйы экономикæйы фарстаты фæдыл Оперативон штабы æмбырд. Бæстон ныхас дзы цыд Цæгат Ирыстоны экономикæйы къабазы уавæрыл стæй чысыл æмæ атсæуккаг бизнесæн æххуысы мадзæлттыл. Ацы азы райдианæй экономикæйы бæрæггæнты æрцыдысты хуыздæрырдæм ивддзинæдтæ. Уый тыххæй фехъусын кодта республикæйы экономикон рæзты министры фыццаг хæдивæг Олег Быкадоров. Промышленнон кондады индекс сси 110,3%. Цæрæнуæттæ дæттыны хъуыддаг дæр фæхуыздæр. Афтæ ацы азы 1-æм июлы онг, фаронимæ абаргæйæ, фатертæ радтой 18% фылдæр. Хъæууонхæдзарадон продукцийы кондад дæр сырæзт 2,4% онг. Дзанайты Барис экономикон рæзты Министрадæн бабар кодта къабазмæ æппынæдзухдæр цæстдарын. Уæлдайдæр та санкциты рæстæг. Чысыл æмæ астæуккаг амалхъомдзинады субъекттæн æххуыссы мадзæлттæ æххæст кæнгæйæ, фенцондæр ис льготæтæм гæсгæ кредиттæ исыны хъуыддаг. 3% онг фæкъаддæр процентон ставкæ. Хъæууон хæдзарады министр Къусраты Алан та радзырдта чысыл хæдзарæдтæн паддзахадон æххуысы мадзæлтты тыххæй.
Æнтыстджынæй дихгонд цæуынц фæрæзтæ бинонты фермæтæ аразынæн æмæ фермертæн гранттæ дæттынæн.
