.Уымæй уæлдай, бæстон цæст æрдардой социалон æгъдауæй ахсджиаг объектты арæзтадмæ æмæ сæ цалцæгмæ, стæй федералон оргæнтимæ æмгуыстады фарстатæм
Республикæйы хицауады сæрдар Дзанайты Барисы разамындæй цы æмбырд ацыд, уым æрныхас кодтой национ проекттæ æмæ паддзахадон программæтæ куыд æххæстггонд цæуынц, ууыл.Уымæй уæлдай, бæстон цæст æрдардой социалон æгъдауæй ахсджиаг объектты арæзтадмæ æмæ сæ цалцæгмæ, стæй федералон оргæнтимæ æмгуыстады фарстатæм. Дзанайты Барис куыд загъта, афтæмæй республикæйы хицауады размæ лæууы социалон-экономикон рæзтыл æххæстæй бакусыны хæс. Афоныл бацæттæ кæнын хъæуы æппæт федералон проектты æмæ программæты архайынæнæн документтæ. Ацы аз хъуамæ сæххæст уой æмæ царды рацæуой социалон инфраструктурæйы дæсгай объекттæ. Ныртæккæ регионтæ исынц уæлæмхасæн фæрæзтæ, цæмæй куыстытæ сæххæст кæной, куыд гæнæн ис, афтæ тагъд. Национ æмæ паддзахадон программæты фæлгæты ацы азæн дихгонд æрцыди 14 миллиард сомы. Бакусдзысты сæ арæзтадыл, коммуналон системæйы рацарæзтыл æмæ æндæр ахадгæ хъуыддæгтыл.
