Премьер зæрдыл æрлæууын кодта, 2019-æм азæй бæстæйыконтролон-цæстдарæн къабазы реформæ кæй цæуы, уый
Хицауады сæрдар Дзанайты Барисы разамындæй цы æмбырд ацыд, уым ныхас цыди 2024-æм азы контролон-цæстдарæн архайды бæрæггæнæнтыл, стæй ацы азы фæндтæ æмæ нысантыл. Премьер зæрдыл æрлæууын кодта, 2019-æм азæй бæстæйыконтролон-цæстдарæн къабазы реформæ кæй цæуы, уый. Йæ нысан у – бизнесы административон уаргъæвæрд фæрогдæр кæнын æмæ йын æнцонвадат гæнæнтæ саразын. Арæзт цæуы профилактикон æмæ консультацион мадзæлттæ. Цæстдарæн мадзæлттæ æнæмæнгæй хъæуынц, адæймаджы æнæниздзинадæн æмæ нæ алыварс æрдзæн тæссаг уавæртæ куы æвзæра, уæд. Хицауады сæрдар экономикон рæзты минитсрадæн бахæс кодта, контролон-цæстдарæн мадзæлтты къабазы профилактикон куыст фæхъомысджындæр кæнын.
