Æрыгон чызг зоны кафын, зарын æмæ фортепианойæ цæгъдын
Ирыстоны ис бирæ курдиатджын фæсивæд. Уыдонæй иу у, конкурс «Маленькая мисс России»-йы финалист Дзгойты Фаризæ. Конкурс цыд 20-æм августæй 25-æм августмæ. Æрыгон чызг зоны кафын, зарын æмæ фортепианойæ цæгъдын. Уæдæ рухс федтой йæхи фыст зарджытæ дæр. Уыцы зонындзинæдтæ йын зынгæ баххуыс кодтой конкурсы архайгæйæ. Куыд цæттæ кодта йæхи æмæ цавæр зындзинæдтыл сæмбæлд, уый тыххæй бæлвырддæр радзурдзæн Тъехты Элинæ.
12 аздзыд чызг Дзгойты Фаризæ сфæлдыстадон куыст кæны йæ сабибонтæй фæстæмæ. Ацы аз архайдта Æппæтуæрæсеон конкурсы. Сси дзы финалист æмæ йын радтой «Маленькая мисс России»-йы ном. Йæхи йæм бирæ рæстæг цæттæ кодта. Хъуыдис æй 4 къæпхæны ацæуын. Кæд ын зындзинæдтæ уыд, уæддæр Фаризæ архайдта фыццаг бынат бацахсыныл.
Дзгойты Фаризæ, Уæрæсеон конкурс «Маленькая мисс России»-йы финалист: «Мæхи зæрдиагæй цæттæ кодтон конкурсмæ. Тæрсгæ ницæмæй кодтон. Мæ зæрды уыд фыццаг бынат райсын æмæ мын бантыст».
Фаризæ у курдиатджын æвзонг чызг. Ууыл дзурынц йæ ахуыргæнджытæ дæр. Цæуы музыкалон скъоламæ. Зоны кафын, зарын æмæ фортепианойæ цæгъдын дæр. Конкурсы йæ уыцы зонындзинæдтæ иууылдæр бахъуыдысты. Фыссы зарджытæ дæр. Конкурс цыд 5 боны. Кæд уал бонмæ хистæртæ стыхстысты, уæддæр Фаризæ йæ фæллад нæ равдыста æмæ хорз бацархайдта.
Илона Моргунова, педагог, продюсер: «Æз Фаризæйæн уыдтæн режиссер. Бацæттæ кодтам зарæг. Ахæм конкурсты руаджы Фаризæ райсы ног зонындзинæдтæ».
Конкурсы архайдтой, 4 азæй 16 азы онг кæуыл цæуы, ахæм чызджытæ. Алы номинацийы дæр архайджытæн аргъ кодтой сæ кармæ гæсгæ. Фаризæйæн национ уæлæдарæс бахуыйыныл куыстой республикæйы хъуыстгонд хуыйджытæ. Æгъуыссæг æхсæвтæ дзæгъæлы нæ уыдысты. Жюрийы уæнгтæ аккаг аргъ скодтой ирон адæмы национ уæлæдарæсæн. Фæлæ ахæм дзаумæтты хъæуы аккаг кафт акæнын.
Дамбегты Еленæ, Хореографион студи «Хоран»-ы разамонæг: «Фаризæ хъуамæ национ уæлæдарæсы кафыдаид Ерысы кафт. Йемæ кусын куы райдыдтон, уæд æй бамбæрстон, курдиатджын чызг кæй у, уый. Æппæтæй зындæр ын уыд къахфындзтыл кафын, фæлæ йын уый дæр бантыст».
Æрмæст ацы аз Фаризæ бацархайдта 30 конкурсæй фылдæры. Сси «Fasion world kids»-2021 азы уæлахиздзау. 12 азмæ архайдта бирæ конкурсты æмæ райста бирæ хæрзиуджытæ.
Валентина Абрамянц, хормейстер: «Когда ребенок занимается у педагога с первого класса, то бывает намного легче. Фариза у меня занимается всего 2 года. За это время мы нашли контакт. В конце первого года она уже смогла выйти на конкурс и занять призовые места. Также она очень активно принимает участие в жизни школы. Девочка очень многогранная и интересная. Один из этапов конкурса усложнили. Помимо вокала решили представить и фортепиано.
Конкурсы архайджытæ уыдысты 38 адæймаджы. Уыдысты Уæрæсейы алы горæттæй. Финал ацыд Сочийы курорт «Розы хутор»-ы. Чи дзы улæфыд, уыдоны бон дæр уыд конкурсы архайджытæм бакæсын. Фидæны ма Фаризæ фæнд кæны æндæр конкурсты бацархайын. Тагъд рæстæджы йын рацæудзæн Хъесаты Илонæимæ ирон æвзагыл зарæг дæр.
