Баст уыд, сæрмагонд нысаниуæг кæмæн ис, уыцы центрты хæстонтæй Беслæны 1-æм скъолайы амæттæгты уæгъдгæнгæйæ чи фæмард, уыдоны номимæ
Джызæлы уыд Уæрæсейы Кубокы æртыккаг къæпхæн практикон æхстæй модификацигонд хæцæнгарзæй. Баст уыд, сæрмагонд нысаниуæг кæмæн ис, уыцы центрты хæстонтæй Беслæны 1-æм скъолайы амæттæгты уæгъдгæнгæйæ чи фæмард, уыдоны номимæ. Турниры архайджыты *хсæн – 18 азæй фылдæр кæуыл цæуы, ахæм 80 спортсменæй фылдæр бæстæйы 13 регионæй. Фылдæр уыдысты тыхы структурæты кусджытæ. Бæлвырддæр радзурдзæн Хъайтмазты Дзерассæ.
Уæрæсейы Кубокы æртыккаг къæпхæн практикон æхстæй райдыдта минут æдзæмæй алæугæйæ. Турнир баст уыд, сæрмагонд нысаниуæг кæмæн ис, уыцы центрты хæстонтæй Беслæны 1-æм скъолайы амæттæгты уæгъдгæнгæйæ чи фæмард, уыдоны номимæ. Мадзал бабæрæг кодта физкультурæ æмæ спорты министр Фрайты Сослан.
Тагъд æмæ рæстдзæвин. Сæрмагондæй ацы миниуджытæ сты ахсджиаг Уæрæсейы чемпионаты хæслæвæрдтæ æххæст кæнынæн. Спортсментæ ерыс кодтой алыхуызон сценарон фæлтæрæнтæм гæсгæ. Хæслæвæрдтæ сусæггонд уыдысты ерысты райдианы онг.
Практикон æхсты Федерацийы регионалон хайады сæрдар Хъантемыраты Барис куыд загъта, афтæмæй ерыстæ систы традицион. Цæуынц ныр 14-æм хатт.
Ерыстæ бабæрæг кодта практикон æхсты Федерацийы Президент Михаил Гущин. Отставкæйы булкъонæн ацы турнир уæлдай ахсджиаг у.
Ахæм турнирты æххæстгонд цæуы сæрмагондæй хи хъахъхъæныны сценари. Æхсынц спортивон хæцæнгарзæй. Лæмбынæг æргом здæхт цæуы æдасдзинадмæ. Фæлтæрæнты фæстæ æппæт дамбацатæй нæмгуытæ сисынц, сæвæрынц сæ æмæ сæ фæдарынц сæрмагондæй дарæсы бын.
Ацы къæпхæны уæлахиздзаутæ ноябры ацæудзысты Екатеринбургмæ. Уым уыдзæн Уæрæсейы Кубокы финал. Уый фæстæ арæзт æрцæудзæн бæстæйы иугонд командæ 2026-æм азмæ.
