Æрмдæсныйы хатдзæгтæгæнæн равдыст ныридæгæн ис бабæрæг кæнæн
Дзиуаты Земфирæйы куклаты дунейæн та йæ дуæрттæ сты гом. Æрмдæсныйы хатдзæгтæгæнæн равдыст ныридæгæн ис бабæрæг кæнæн. Ахæсдзæн январы астæумæ. Уазджытæ фендзысты æрмæст нывгæнæджы куклатæ нæ. Бацæттæ сын кодтой хи къухтæй конд хъазæнтæй аивгонд заз бæлас. Æрмадз бабæрæг кодта не сфæлдыстадон къорд. Бæстондæр радзурдзæн Чехойты Фатимæ.
Дзиуаты Земфирæ йæ цард снывонд кодта куклатæ аразынæн. Уыцы дæсныйад сси йæ сæйраг хъуыддаг. Земфирæ иу æмæ дыууæ хатты нæ сарæзта хицæн равдыстытæ. Уыдонæй алкæцыдæр свæййы йæ равзæрд куыстмæ уарзондзинад æвдисæг. Цы куклатæ саразы, уыдон сты аивады хæзнатæ. Равдыст цымыдисаг уыдзæн сывæллæттæн æмæ хистæр кары адæмæн. Алы куклайæн дæр ис йæхи истори.
Земфирæ æрмæст куклатæ нæ аразы, зæрдæхæларæй йæ зонындзинæдтæ лæвар кæны, ацы дæсныйад цымыдисаг кæмæн у, уыдонæн. Йæ алыварс баиу кодта бирæ æмзонд адæмы. Æххуыс сын кæны сæ курдиат раргом кæнынæн. Йæ ахуыргæнинæгтæ зæрдиагæй архайынц. Хи къухтæй конд куклатæ æхсызгондзинад хæссынц чи сæ сарæзта, стæй сæ чи фены, уыцы адæмæн. Дæсныйад лæвар кæны ирд æнкъарæнтæ.
Авторон куклаты равдыст бабæрæг кæнæн ис январы кæронмæ. Кировы уынджы аивадон æрмадзты тыгъдадæн ис бæрæгбоны фæлыст. Аивгонд у рæсугъд зымæгон композицитæй. Уый та хорз фадат у Ног азы агъоммæ бæрæгбоны æхцондзинад банкъарынæн.
