Турнир байгом кæныны кадджын мадзалы архайдтой Цæгат Ирыстоны парламенты сæрдары хæдивæг Къесаты Станислав æмæ Лондоны Олимпиадæйы уæлахиздзау Хуыгаты Алан.
Турнир байгом кæныны кадджын мадзалы архайдтой Цæгат Ирыстоны парламенты сæрдары хæдивæг Къесаты Станислав æмæ Лондоны Олимпиадæйы уæлахиздзау Хуыгаты Алан.
Къесаты Станислав куыд загъта, афтæмæй дунеон Олимпаг комитет фæнд кæны хъæбысхæсты алы хуызтæ олимпаг хъæзтытæй айсын, фæлæ ацы ерыстæ банымайæн ис, уыцы уынаффæ раст кæй нæ уыдзæн, ууыл. Уымæн æмæ дунейы, уæлдайдæр та, Кавказы республикæты тынг уарзон спорты хуыз у, спортсментæн ис сæхи традицитæ æмæ фæлтæлддзинады скъола. Ирыстойнаг богæлттæ та дунейы нымад сты хуыздæртыл.
Ацы ерыстæй æрыгон спортсментæ зæгъынц, олимпаг комитеты уынаффæимæ разы кæй не сты, уый.
Тускъаты Таймураз, РЦИ-Аланийы грекъаг римаг хъæбысхæсты федерацийы президент: «Лондоны Олимпиадæ куы уыд, уæд нæ лæппутæ сæхи иттæг хорз равдыстой. Райстам дзы сызгъæрин майдан дæр, æвзист дæр. Иннæ æнтыстдзинæдтæ дæр æвзæр нæ уыдысты. Нæхи рæсугъдæй равдыстам. Хъæбысхæсты федераци ацы ерыстæ сарæзта, уымæн æмæ йæ уынæм нæ лæппутæ тынг хорз цæттæ сты. Ис нæм бирæ спортивон залтæ, сывæллæттæ сæм зæрдиагæй цæуын, архайынц, ахуыр кæнынц. Æмбулынц. Ам дæр ма акæсут куыд хорз цæттæ сты, уымæ. Олимпаг комитет йæ хъуыды кæй аивдзæн уый нæ уырны, нæ зæрдæ йыл дарæм. Уæдмæ та хъуамæ æнцад ма бадæм. Хъуамæ йæ иууылдæр зоной – нæ бон цы æнтыстдзинæдтæравдисын у, уый».
