Афтæмæй 2023-æм азы хъуамæ саив кæной æхсæнадон зонæ
Дзуарыхъæуы цæрджытæ æмхъæлæсæй сбæрæг кодтой, федералон проекты архайыны аккаг объект. Афтæмæй 2023-æм азы хъуамæ саив кæной æхсæнадон зонæ. Уый фидæны хъуамæ суа фæлладуадзыны сквер, тезгъогæнæн къахвæндæгтимæ, сывæллæттæн ирхæфсæн фæзтимæ. Уыдзæн ма дзы тематикон аллеятæ. Ацы хъуыддаджы хынцтой куыд проекты домæнтæ, афтæ бынæттон цæрджыты фæндонтæ дæр. Национ проект «Формирование комфортной городской среды»-йы сæйраг нысан у муниципалитетты рæзтыл кусын. Хъæуы цæрджытæ паддзахадон лæггæдты порталы куыд активонæй хъæлæс кæндзысты, уымæй аразгæ у, Дзуарыхъæу æхсæнадон территори аив кæныны федералон проектмæ бахаудзæн, æви нæ, уый. Зæгъдзыстæм ма уый дæр, æмæ ма хъæлæс кæныны процедурæйы архайы, социалон ахадындзинад кæмæн ис, ахæм 5 объекты Алагиры районы. Фæлæ, бынæттон цæрджыты хъуыдымæ гæсгæ, уыдоны хсæн Дзуарыхъæуы сквер бæрæг дары. Уымæн æмæ афтæмæй стыр æргом здæхт æрцæудзæн Фыдыбæстæйы Стыр хæсты хъæбатыртæн цыртдзæвæнмæ æмæ йæ алыварс территоримæ. Æрмæст ацы хъæуæй фронтмæ ацыд 286 нæлгоймаджы. Сæ фыдыуæзæгыл сæмбæлд 97 адæймаджы. Иннæтæ æнустæм баззадысты хъæбатыртæй. Се хсæн – Гæздæнты 7 æфсымæры.
