филиал вгтрк государственная телерадиовещательная компания “Алания”

«Дзыллон информацийы фæрæзтæ – куыд сабырдзинады æмæ кæрæдзи æмбарынады бындур». Ахæм девизимæ Цæгат Ирыстоны цæуы фæсивæдон медиафорум. Ахуырадон проект æххæст кæнынц Уæрæсейы президенты грантты Фонды фæрæзтæй. Архайынц дзы зындгонд журналисттæ, политологтæ, ахуыргæнджытæ æмæ Цæгат Кавказы университетты журналистикæйы факультетты студенттæ. Форумы программæйы сты пресс-конференцитæ, дæсныйадæвдисæг ахуыртæ, сфæлдыстадон лабораторитæ. Фидараты Маринæ – бæлвырддæр.

Алы дзырдæн аргъ кæнын, æмæ информаци бæлвырд кæнын. Хæлардзинад тауын, æмæ адæммæ рæстдзинад хæццæ кæнын. Журналистикæ æрмæст дæсныйад нæу, фæлæ зæрдæйы ахаст. Ууыл æппынæдзух хъуыды кæнын у тынг ахсджиаг. Ныртæккæйы парахат информацийы дуджы алы цаумæ дæр хъæуы тынг лæмбынæг цæстдарын.

Фидæны æмæ зындгонд журналистты диалог арæзт æрцыд, Цæгат Кавказы фæсивæдон медиафорум «Дзыллон информацийы фæрæзтæ – куыд сабырдзинады æмæ кæрæдзи æмбарынады бындур» æххæст кæнгæйæ. Ахуырадон проект царды уадзынц Уæрæсейы президенты грантты Фонды фæрæзтæй. Архайынц дзы зындгонд журналисттæ, политологтæ, ахуыргæнджытæ æмæ Цæгат Кавказы университетты журналистикæйы факультетты студенттæ. Форумы программæйы сты пресс-конференцитæ, дæсныйадæвдисæг ахуыртæ, сфæлдыстадон лабораторитæ, практикон семинартæ.

Ахуырадон проект сæмбырд кодта Цæгат Кавказы æппæт регионты æмæ Хуссар Ирыстоны æрыгон журналисты. Ахæм хуызы æмархайд кæрæдзийæн дæтты хорз фадæттæ. Фыццаджыдæр кусынц фæлтæрддзинадыл. Стæй уæд фидардæр кæнынц фидæны журналистты бастдзинæдтæ.

Форумы программæ рауад мидисджын. Студентты базонгæ кодтой Цæгат Ирыстоны историимæ. Лекцитæй иу арæзт уыд Цæгат Ирыстоны универститеты рагон Аланийы музейы. Конференцийы архайджытæ та æрцыдысты иу хъуыдымæ, медиафорумы арæнтæ фæуæрæхдæр кæнын, æмæ алы аз аразын. Хатдзæгтæгæнæн конференцийы та иууылдæр сразы сты, иу фембæлд фаг кæй нæу, æмæ фидæны нысан кæнынц æрвылазон скæнын.