20 апреля 2020, 16:03
Егъау рацарæзты куыстытæ цæуынц Ногиры фыццæгæм астæуккаг скъолайы
Ныртæккæ ахуыргæнæндонæн æххæстæй ивынц йæ сæр, хъæдын цæджындзтæ ивынц æфсæйнæгтæй
Егъау рацарæзты куыстытæ цæуынц Ногиры фыццæгæм астæуккаг скъолайы дæр. Куыстытæ райдыдтой ацы азы февралы райдиан. Ныртæккæ ахуыргæнæндонæн æххæстæй ивынц йæ сæр, хъæдын цæджындзтæ ивынц æфсæйнæгтæй. Ныртæккæ сæ хæстæг кæнынц арæзтадон нормæтæм.
Цæгат Ирыстоны рагондæр ахуыргæнæндæттæй иуыл иннæ аз сæххæст уыдзæн 100 азы. 2021-æм азы сентябры нысан кæнынц канд бæстыхай сног кæнын нæ, фæлæ ма йæ фæуæрæхдæр кæнын. Территорийы фæзындзæн 2 ног уæлæмхасæн арæзтады. Уый фæрцы скъолайы фæфылдæр уыдзæн ахуыргæнæн бынæттæ. Уымæй дарддæр сыгъдæг кæнынц бынат фидæны футболон æмæ нырыккон спортивон фæзтæн.
темæмæ гæсгæ
