Скодтой йæ Галаты Барисы райгуырæн боны кадæн
Екатеринбурджы арæзт æрцыд кинофестиваль «Урал-Кавказ: связующие нити. Осетинские параллели». Скодтой йæ Галаты Барисы райгуырæн боны кадæн. Кинофорум саразыныл бацархайдта Аслан-Гирей Галатийы номыл Ирон культурæйы æхсæнад. Мадзалмæ æрбацæуджытæн равдыстой кинонывты премьерæтæ, кæцытæ рацыдысты Свердловскы облæсты ирон фонды фарсхæцтæй. Зæгъæм, режиссертæ Хъараты Алексейы æмæ Æлбегаты Артуры кинонывтæ «Привычка» æмæ «Имена. Борис Галаев. Память о самих себе». Радзырдтой Рафаэль Гаспарянцы ног куыст «Время Бориса Галаева»-йы тыххæй. Фестивалы рæстæг дзы куыста Галаты Барисы сфæлдыстадимæ баст равдыст. Форумы фæзты хъуысыд ирон классикон музыкæ. Свердловскы филармонийы солисттæ адæмы размæ рахастой Хетæгкаты Къостайы фыст Галаты Барисы романстæ.
