Промышленностыл, хъæууон хæдзарадыл, туризмыл æмæ санаторон-курортон къабазыл куыст цæудзæн Алагиры æмæ Æрæфы районты
Экономикон рæзты зонæты куыстыл ныхас цыд республикæйы Парламенты æмбырды. Промышленностыл, хъæууон хæдзарадыл, туризмыл æмæ санаторон-курортон къабазыл куыст цæудзæн Алагиры æмæ Æрæфы районты. Уæлдай æргом здахдзысты æрдзон хомагæй архайынмæ. Уымæй дарддæр пайда кæндзысты энергетикон æмæ финансон æвæрæнтæй. Æнхъæлмæ кæсынц промышленнон æмæ хъæууонхæдзарадон куыстады рæзтмæ. Фæзындзысты ног куысты бынæттæ. Уый та фадат ратдзæн фылдæр бынæттон адæмы ргом æрбаздахынæн. Афтæ Алагиры кусы стурвос дарыны фермæ. Фæлæ хæрзхъæд куыстæн нæ фаг кæнынц сыгъдæггæнæн кусæнгæрзтæ. Дарддæр куыст цæуы туризмы къабазы дæр.
Парламенты ма ныхас цыд адæмæн социалон æххуыс кæныны закъоны проекттыл. Фæлæ уæлдай æргом аздæхтой ахуырады фарстатæм. Бæлвырддæр та ныхас цыд æхсæнады цæстæнгасыл иумæйаг паддзахадон фæлварæнмæ. Уæрæсейы коммунистон партийы фракцийы республикон хайад бахаста фæндон иумæйаг фæлварæн айсыны тыххæй. Уыимæ рахастой хъæппæрис, ивддзинæдтæ йæм бахæссыны тыххæй.
