Хаст æм æрцыдысты республикæйы куыстуæтты сувенирон продукци æмæ дзаумæттæ
«Традицитимæ баст æрмдæсныйад». Ахæм сæргондимæ экспозици байгом Цæгат Ирыстоны национ музейы равдыстыты залы. Хаст æм æрцыдысты республикæйы куыстуæтты сувенирон продукци æмæ дзаумæттæ. Цæгат Ирыстоны туризмы райрæзты фонд куыд хъусын кæны, афтæмæй мадзал баст у 2024-æм азы цалдæр юбилейон цауимæ: республикæйы равзæрды 100 азимæ, Ирыстон Уæрæсейы хыгъдмæ куы бацыд, уый 250 азимæ. Равдыстмæ цы экспонаттæ бахастой, уыдон скодтой нырыккон æрмдæснытæ. Сæ хыгъды Илья Стукалов, Таутиаты Азæ, Хъуылаты Мæдинæ, Хъесаты Маргаритæ, Наталья ЮркОва, Джиоты Вадим, Мурат Юсупов. Ис дзы Дзæуджыхъæуы аивадон училищæйы студентты куыстытæ дæр. Экспозицийы фенæн ис национ музейы фондтæй æрмæджытæ дæр. Равдыст ахæсдзæн 15-æм декабры онг.
