Экстремизмы ныхмæ профилактикон куыст куыд аразын хъæуы, уый тыххæй дзырдтой, Цæгат Ирыстоны паддзахадон университеты цы ахуырадон семинар ацыд, уым.
Архайдтой дзы фæсивæды хъуыддæгты, физкультурæ æмæ спорты, стæй национ ахастдзинæдты фарстаты
Экстремизмы ныхмæ профилактикон куыст
куыд аразын хъæуы, уый тыххæй дзырдтой, Цæгат Ирыстоны паддзахадон
университеты цы ахуырадон семинар ацыд, уым.
Архайдтой дзы фæсивæды хъуыддæгты,
физкультурæ æмæ спорты, стæй национ ахастдзинæдты фарстаты министрадты
уæнгтæ, æхсæнадон æмæ дины организацитæ, районты фæсивæды хъуыддæгты
хайæдты кусджытæ. Семинармæ æрбахуыдтой уазджыты Мæскуыйы паддзахадон
гуманитарон университеты Стъарапойлаг филиалæй: политикон наукæты доктор
Александр МасалОвы æмæ экономикон наукæты кандидат Алена Арискинæйы.
Уыдон радзырдтой, цы у экстремизм æмæ йемæ куыд тох кæнын хъæуы, уый
тыххæй. Куыд загътой, афтæмæй регионы ацы фарста у ахсджиаг, уымæ гæсгæ
профилактикон куыстмæ хъæуы фылдæр æргом здахын. Семинар цыд теоретикон
æмæ практикон ахуырты хуызы. Форум арæзт æрцыд Цæгат Ирыстоны фæсивæды
хъуыддæгты, физкультурæ æмæ спорты министрады хъæппæрисæй.
Цæллагты Артур, РЦИ-Аланийы национ
ахастдзинæдты фарстаты министрады хайады хицау: «Нæ республикæйы бæстон
куыст цæуы экстремизмы ныхмæ профилактикон куыст аразыны фæдыл. Æмбарæм
æй, кæстæрты бахъахъхъæныны тыххæй хъæуы ахуыр кæнын специалистты, стæй
уыцы къабазы чи кусы, уыцы бæрнон кусджыты. Уый фæдыл фæсивæды комитет
дæр стыр куыст кæны, мах дæр фарсмæ. Уыцы куыстытæ иууылдæр цæуынц
республикон программæйы, экстремизмы ныхмæ тох кæныны фæдыл цы мадзæлттæ
ис, уыдоны хсæн».
