Экстремизмы профилактикæйыл æмæ йæ не руадзыны мадзæлттыл ныхас кодтой, Цæгат Ирыстоны фæсивæды хъуыддæгты, физкультурæ æмæ спорты министрады хъæппæрисæй цы æмбырд арæзт æрцыд, уым.
Æмбырды архайджыты хæс уыд, сбæрæг кæнын, фæсивæдимæ кусгæйæ, цавæр мадзæлттæ ахадгæдæр уыдзысты, уыдон. Æмбырдмæ æрбацыдысты фæсивæдон, æхсæнадон организациты æмæ культурон центрты минæвæрттæ, стæй дины кусджытæ. Се ппæт дæр куыд бафиппайдтой, афтæмæй адæм фылдæр рæстæг æрвитынц социалон хызты. Уымæ гæсгæ сæрмагонд службæты ргом аздахын хъæуы уыдонмæ. Цæмæй бæрæг кæной, нациты хсæн хæлар ахастдзинæдтæ чи халы, уыдоны, æмæ дзы ма уадзой ахæм фыстæджытæ. Министрады специалистты хъуыдымæ гæсгæ, фæсивæды раст фæндагыл æвæрынæн хорз у сыхаг республикæты традицитимæ сæ зонгæ кæнын. Кæрæдзимæ куы цæуой, кæрæдзиимæ куы æмбæлой, уæд та ноджы хуыздæр. Ацы семинар арæзт æрцыд республикон программæ æххæстгæнæйæ.
Бекъойты Аслан, Алагиры районы социализацийы центры хицау: «Ацы æмбырды цы зонындзинад райстам нæхицæн, уымæй нæ куысты пайда кæндзыстæм. Парахат сæ кæндзыстæм хуыздæр хъуыдытæ. Æрцыдысты нæм нæ семинармæ бирæ уазджытæ æмæ сæ алкæмæдæр ис йæхи хъуыды, йæхи фæндон ацы хъуыддагыл куыд кусын хъæуы, уый тыххæй. Нæ иумæйаг хъуыдымæ гæсгæ та æппæты фыццаг фæсивæды ргом рахдахын хъæуы «духовно-нравственное воспитание» кæй хонынц, уымæ. Патриотон хъомылыд, культурæ – алцæмæдæр хъуамæ уой ææмхиц. Уæдæ ма нæ хæстæй иу у сывæллæтты æмæ рæзгæ фæлтæр уынгтæй спортивон секцитæм ракæнын. Цæмæй архайой спорты алы хуызтæй. Иу ныхасæй бирæ цыдæр хатдзæгтæ скодтам нæхицæн æмæ сæ æххæст кæндзыстæм
