Электрон тыхæй закъоны домæнтæм гæсгæ куыд пайдагонд цæуы, уый бæрæг кæнынц «ЦæгатКавказЭнерго»-йы специалисттæ

08 августа 2014, 11:26

Электрон тыхæй закъоны домæнтæм гæсгæ пайда кæнын. Ацы хъуыддагыл архайынц «ЦæгатКавказЭнерго»-йы специалисттæ. Æдзухдæр аразынц сæрмагонд рейдтæ. Ныридæгæн

73654

Электрон тыхæй закъоны домæнтæм гæсгæ пайда кæнын. Ацы хъуыддагыл архайынц «ЦæгатКавказЭнерго»-йы специалисттæ. Æдзухдæр аразынц сæрмагонд рейдтæ. Ныридæгæн республикæйы районты сбæрæг кодтой 300 куыстуатæй фылдæры архайд. Фидæны ма бабæрæг кæндзысты Горæтгæроны æмæ Мæздæджы районтæ.

Базарадон центртæ, аптекæтæ, хойрæгты дуканитæ æмæ ма дзулфыцæн завод дæр. «ЦæгатКавказЭнерго»-йы кусджытæ бæрæг кæнынц Цæгат Ирыстоны алыхуызон куыстуæттæ.

Сæрмагондæй та – организацимæ электфрон тых исынæн сæрмагонд бадзырд ис æви нæй. Уымæй уæлдай ма «ЦæгатКавказЭнерго»-йы аудиты службæйы специалисттæ бæлвырд кæнынц электрон тых нымайæн приборты бæрæггæнæнтæ. Куыстуæттæ рафыссынц, цас электрон тых схардз кодтой, уый æвдисæг гæххæтт. Ныртæккæ бæрæггонд цæуынц Кировы районы куыстуæттæ. Хойрæгты дуканийы хистæр уæйгæнæг Хъуысаты Ларисæ куыд зæгъы, афтæмæй йын ацы рейдтæ æнæзонгæ не сты.

Хъуысаты Лирисæ, Елхоты хойрæгты дуканийы хистæр уæйгæнæг: «ЦæгатКавказЭнерго»-йы кусджытæ нæм алы мæй дæр æрбацæуынц. Показанитæ сисынц, мах сæ бафидæм, квитанци нын радтынц, ницы фарстатæ сæм вæййы, фарстатæ сæм ницы вæййы, махмæ нæхимæ исты фарста куы вæййы, уæд сæм радтæм æмæ нын сæ бамбарын кæнынц».

Ахæм æгъдауджын фæлхасгæнджыты нымæц фылдæр кæны, зæгъынц «ЦæгатКавказЭнерго»-йы кусджытæ. Фæлæ уæддæр рейдтæ кынын хъæуы æнæмæнг. Сæ хатдзæгтæм гæсгæ, закъонхæлдты цаутыл арæзт æрцæуы акттæ. Уыдонмæ гæсгæ «ЦæгатКавказЭнерго»-йы специалисттæ фæкæнынц стыр куыст. Закъонхæлдтæ куы нæ раиртасынц, уæд та саразынц, объект бæрæггонд кæй æрцыд, ахæм акт. Сæвæрынц пломбæ, уый хъахъхъæны электрон тых нымайæн прибор.

Магкæты Хъазыбег, «ЦæгатКавказЭнерго»-йы пресс-службæйы хицау: «Ныридæгæн сбæлвырд кодтам 6 районы куыстуæттæ. Сбæрæг кодтам 150 хъæндзинадæй фылдæр. Се ппæтыл дæр сарæзтам акттæ. Уыцы куыстуæттæм бадзырд фыст нæ уыд «ЦæгатКавказЭнерго»-имæ. Акттæм гæсгæ дарддæр архайдзыстæм, цæмæй уыцы хъæндзинæдтæ аиуварс кæнæм, ууыл».

Ацы рейдты хатдзæгтæм гæсгæ снысан кæндзысты ног куысты фæтк. Æмæ закъонхæлдтæ иуварсгонд куы нæ цæуой бæлвырд рæстæгмæ, уæд уыцы фæлхасгæнджытæн электрон тых нал дæтдзысты, хицæн хъуыддæгтæм кæсдзысты тæрхондоны дæр.

Ахæм рейдтæ «ЦæгатКавазЭнерго»-йы кусджытæ кæнынц ныр дыууæ мæйы дæргъы. Аудиты службæйы специалисттæ ныридæгæн сбæрæг кодтой 300 куыстуаты республикæйы районтæн сæ фылдæры. Рейдтæ ма арæзт цæудзæн Горæтгæроны æмæ Мæздæджы районты дæр.

Гугкаты Иринæ