Уый тыххæй фехъусын кодтой «Севкавказэнерго»-йы пресс-конференцийы. Уацхæсджыты фарстатæн дзуапп лæвæрдта гом акционерон æхсæнады разамынддæддæг директор Хуызмиаты Аслан. Пресс-конференцийы рæстæг ма видеобастдзинады фæрцы ныхас цыд
Уый тыххæй фехъусын кодтой
«Севкавказэнерго»-йы пресс-конференцийы. Уацхæсджыты
фарстатæн дзуапп лæвæрдта гом акционерон æхсæнады разамынддæддæг
директор Хуызмиаты Аслан. Пресс-конференцийы рæстæг ма видеобастдзинады
фæрцы ныхас цыд Цæгат Кавказмæ электрон тыхдæттæг компанийы генералон
директоры хæстæ æххæстгæнæг Кральбий Жангурасовимæ.
Пресс-конференцийы куыд бафиппайдтой,
афтæмæй Цæгат Ирыстоны æппæтæй фылдæр хæстæ дарынц, социалон нысаниуæг
кæмæн ис, уыцы куыстуæттæ. Зæгъæм, хъармдæттæг куыстуат æмæ доны
хæдзарæдтæ. Ныртæккæ арæзт æрцыд сæрмагонд кусæг къорд æмæ ацы фарста
аиуварс кæнынæн агурынц мадзæлттæ.
Хуызмиаты Аслан куыд загъта, афтæмæй,
2013 азы июлы фæбæрзонддæр уыдзæн электрон тыхы аргъ. Карз цæстдард
цæудзæн, цæмæй бирæуæладзыгон хæдзæртты æмæ сæ алыварс цы электрон тых
хардзгонд цæуы, уымæн фыст цæуа, уымæ. Куыд сбæрæг кодтой, афтæмæй, адæм
сæ хæдзæртты электрон тыхæн цы нымайæн прибортæ сæвæрдтой, уыдон
иухуызон бæрæггæнæнтæ æвдисынц. Хардзгонд та цæуы бирæ фылдæр. Электрон
тых давыны хъуыддæгтæ сарæх сты æмæ сæм адæм хъуамæ сæхæдæг дарой сæ
цæст. Кæннод уымæн дæр сæхи фидгæ уыдзæн.
