Елхоты бынмæ ныгæд æрцыдысты, Фыдыбæстæйы Стыр хæсты Цæгат Ирыстон знагæй хъахъхъæнгæйæ чи фæмарди, ахæм 10 салдаты стæгдартæ

06 мая 2014, 11:02

Ссардтой сæ агурæн къорд «Харон»-ы уæгтæ. Хæстонтæ чи сты, уый базонын сæ къухы нæ бафтыди. Сæ нæмттимæ æвдисæндартæ дзы уыди æрмæстдæр æртæмæ, фæлæ сæ фыстытæ ссыдысты, æмæ сæ бакæсæн нæ уыди. Агурджытæ æмæ сын цы службæтæ æххуыс кæнынц, уыдон куыд зæгъынц, афтæмæй ма Æрджынарæджы æбæрæгæй сæфт салдаттæ бирæ ис. Агурдзысты æмæ сæ бæрæг кæндзысты дарддæр.

Фесæфт æбæрæгæй. Ацыд фронтмæ æмæ нал зыздæхт. Нæ `гæсты, нæ мæрдты хсæн… Сæдæгай мин салдæттæ фæмардысты Æрджынарæджы. Фесæфтысты тугкалæн хæсты. Фæлæ дзы бирæты фæд, уæддæр, 70 азы фæстæ дæр рабæрæг. Ам агурæн къорд «Харон»-ы уæнгтæ æрмæст ивгъуыд азы кæрон ссардтой 10 æбæрæг хъæбатыры. Фæмард сты Кавказы хæсты æппæты карздæр бынæттæй иуы.

1942-æм азы Æрджынарæджы цыди æгъатыр тох. Цыппар мæйы салдæттæ æмæ афицертæ фистæгæфсæддонтимæ иумæ, уыдоны та немыц хуыдтой «Сау мæлæт» урæдтой немыцы æфсæдты. Мингай фистæгæфсæддонтæ, æртæ сæдæ танкæй фылдæр – не мзæххонтæм афтæ касти цыма Гитлеронты ничи бауромдзæн. Фæлæ сын ардыгæй фалдæр бацæуын нæ бантыст. 20 мин адæймаджы цардæй ныппырх кодтой фашистты æфсæдты.

Æрджынарæджы зæххы алы метр дæр у куыд фæзæгъынц, тугæй дзаг. Зæххы бын абоны онг дæр ис бирæ хæстонты стджытæ. Фарон цы æртæ салдаты ссардтой, уыдоны æвдисæндартыл сæ нæмттæ æмæ мыггæгтæ 70 азы фæстæ бакæсæн нæй. Ныртæккæ сæ дзаумæттæ сты экспертизæйы.

Цы 10 салдаты ссардтой, уыдоны стджытæ та баныгæдтой Елхоты. Ныридæгæн дæр дзы ис 5 сæдæ хæстонæй фылдæр. Ныгæд æрцыдысты кадджын уавæры.

Мадзалы сæрмагонд аргъуыд скодта протоиерей Остъаты Тимофей. Номарæн æмбырды архайдтой ветеранты æмæ фæсивæдон организацитæ, хъазахъхъаг æфсæдтæ, суворовонтæ, мидхъуыддæгты æфсæдты институты æмæ ногдзауты къорды минæвæрттæ. Се мхæстонтæн кад скæнынмæ æрбацыдысты ветерантæ дæр, стæй районы цæрджытæ.

Джыбылаты Тарзан, Кировы районы администрацийы æхсæнадимæ бастдзинады хайады хицау: «Алы салдат дæр йæ хæдзар не ссрадта. Æмæ мæнæ ацы къорд æмæ пъырыстыфты службæ цы ахсджиаг хъуыддаг кæнынц, уый у тынг хорз. Хъуамæ рох мацы уа».

Агурæн къорд «Харон»-имæ 4 азы æмдзу кæны пъырыстыфты службæ. Ведомствæйы кусджытæ сарæзтой сæхи агурæн организаци. Нырма æнæныгæдæй сты мин сырхæфсæддонмæ хæстæг. 42-æм азы хъахъхъæдтой Дзæуджыхъæумæ бацæуæн. Агурæн къорд дарддæр дæр кæндзысты сæ куыст. Цæмæй æбæрæгæй сæфтыл нымад чи у, уыдоны хæстæджытæн сæ бон уа, йæ цард уæлахизыл чи радта, уыдонæн аккаг кад скæнынæн.