100 архайæгæй фылдæр равдыстой сæ спортивон цæттæдзинад, сæ арæхстдзинад , стæй командæйы архайын куыд зонынц, уый
Елхоты спортивон комплексы арæзт æрцыди спортивон фестиваль «Фæнды мæ чемпион суæвын». 100 архайæгæй фылдæр равдыстой сæ спортивон цæттæдзинад, сæ арæхстдзинад , стæй командæйы архайын куыд зонынц, уый. Волейбол, мини-футбол, алыхуызон эстафетæтæ. Радтой æппæтуæрæсеон-спортивон комплекс «Цæттæ дæн фæллоймæ æмæ хъахъхъæнынадмæ»-йы нормативтæ. Спорты алы хуызы дæр уæлахизыл тох æнцон нæ уыди, уымæн æмæ архайджытæ се ппæтæн дæр сæ спортивон цæттæдзинад уыди иттæг хорз. Спортивон фестивалы уæнгтæ зарядкæ скодтой Европæйы чемпион дзодойæ Хуыбецты Аланимæ. Командæтæ хорзæхгонд æрцыдысты кубоктæй, майдантæй, кады гæххæттытæй æмæ зынаргъ призтæй. Мадзал арæзт æрцыди Национ проект «Демографи»-йы федералон проект «Спорт царды нормæ»-йы фæлгæты. Спортивон бæрæгбон æрвылаз фæцæуы республикæйы алы районты. Йæ нысан – æнæниз цардыуаг парахат кæнын, фæсивæды спортмæ æмæ физкультурæмæ разæнгард кæнын.
