Лæггад кæндзæн æфсæддон горæт «Уалдзæджы» 29 барæуæладзыгон хæдзары, стæй цалдæр социалон объекты.
Хъармгæнæн аразын райдыдтой фарон æмæ йæ декабры скусын кодтой фæлварæны хуызы.
Хъармгæнæн аразын райдыдтой фарон æмæ йæ декабры скусын кодтой фæлварæны хуызы. Специалистты бæрæггæнæнтæм гæсгæ дзуапп дæтты æппæт домæнтæн æмæ кусы æнæ къуылымпыйæ. Нырыккон хъармгæнæны æвæрд æрцыд фæсарæйнаг кусæнгæрзтæ. Сты автоматизацигонд. Хъармгæнæн æххæст кæны се ппæт объекттæ дæр, уыимæ ма фадат ис энерги фæстауæрц кæнынæн дæр. Нырыккон хъармгæнæн арæзт æрцыд Дзæуджыхъæуы коммуналон инфраструктурæйы системæйы райрæзты программæ æххæстгæнгæйæ. Архайдзæн 2025-æм азмæ.
Абиаты Роман, гом акционерон æхсæнад «горæты энерги фæстауæрцгæнæн комплекс»-ы генералон директор: «Нæ хъармгæнæны кусæнгæрзтæ сты Итали æмæ Германийæ ласт, ног уавæртæм гæсгæ кусныц, энерги гыццыл хардз кæнынц. Æмæ адæм дæр тæвд исдзысты асламæй. Раздæр ацы микрорайонмæ тæвд цыдис Шмулевичы уынджы цы хъармгæнæн ис, уырдыгæй. Æмæ алы гигакалорийæ дæр хъармгæнæн сæфта 500 сомы. Ацы хъармгæнæн та алы гигакалорийæ дæр пайда кæндзæнис 300 сомы».
