Проект царды уадзын райдыдтой 8 азы размæ
Этнолагерь «Алайнаг фæд» та баиу кодта ирон фæсивæды æппæт дунейæ. Проект царды уадзын райдыдтой 8 азы размæ. Азæй азмæ йæ архайджыты нымæц кæны фылдæр. Проект «Алайнаг фæд»-ы сæйраг нысан у – йæ историон райгуырæн зæххæй дард чи цæры, уыцы ирæтты базонгæ кæнын нæ культурæ æмæ традицитимæ. Ацы аз этнолагеры архайынц ирæттæ Туркæй, Казахстанæй, Гуырдзыстонæй, Германийæ, Францийæ, Таджикистанæй, стæй Свердловскы облæстæй æмæ Пермы крайæ. Сараздзысты сын экскурситæ, бабæрæг кæндзысты музейтæ, аныхас кæндзысты цымыдисаг адæмимæ, скæндзысты сын лекцитæ, национ хæринæгтæ цæттæ кæнынæй æмæ кафынæй дæсныйадæвдисæг ахуыртæ. Ацы проект архайджытæн ратдзæн, нæ республикæйы æрдзы рæсугъддзинæдтæ феныны æмæ пайдайаг зонындзинæдтæ райсыны фадат. Лагеры фыццаг рад ахæсдзæн 29-æм июльмæ. Йæ фæстæ райдайдзæн дыккаг рад. Этнолагерь йæ куыст фæуыдзæн 12-æм августы.
