Сæрмагондæй дзы уый кадæн байгом ног экспозици
Евгений Вахтанговы хæдзар-музей Дзæуджыхъæуы, сбæрæг кодта йæ фыццаг гуырæнбон. Сæрмагондæй дзы уый кадæн байгом ног экспозици. Аргъ кæмæн нæй, уыцы экспонаттæ сты Евгений Вахтанговы архивæй, æмæ сæ сластой Мæскуыйы Театрæй. Кадджын мадзалы архайдтой Цæгат Ирыстоны Сæргълæууæг Сергей Меняйло, Мæскуыйы Вахтанговы театры директор Кирилл Крок æмæ артисттæ. Уæ зæрдыл уын æрлæууын кæндзыстæм, ивгъуыд аз Дзæуджыхъæуы, бындурон рацарæзты фæстæ байгом Вахтанговы хæдзар-музей. Уыцы цау нымад æрцыд Уæрæсейы егъаудæр культурон мадзалыл. Абон та у нæ республикæйы сæйраг горæты рæсугъддæр æмæ ахсджиагдæр бынат. Афæдзмæ культурон объект бабæрæг кодтой 10 мин адæймаджы онг. Фыццаг уæладзыджы цы арт-кафе кусы, уым та арæзт æрцыд 300 аивадон мадзалæй фылдæр.
