Сатирæйы зындгонд мастер йæ аивадуарзджыты размæ рахаста бирæ скъуыддзæгтæ, йæ цардвæндагæй ис нывтæ æмæ йе сфæлдыстадимæ баст историтæ
Евгений Вахтанговы хæдзар-музейы ацыд фыссæг-сатирик Лион Измайловы сфæлдыстадон изæр. Сатирæйы зындгонд мастер йæ аивадуарзджыты размæ рахаста бирæ скъуыддзæгтæ, йæ цардвæндагæй ис нывтæ æмæ йе сфæлдыстадимæ баст историтæ. Мæскуыйы авиаарæзтадон институты рауагъдон Лион Измайлов фыссын райдыдта студент ма куы уыди, уæд. Йæ радзырдтæ æмæ йын миниатюрæтæ сценæмæ рахæссынц бæстæйы зындгонд артисттæ – Евгений Петросян, Геннадий Хазанов, Владимир Винокур, Клара Новикова æмæ æндæртæ. Лион у сывæллæтты уарзон киножурнал «Ералаш»-ы автор. Йе сфæлдыстадæн ын Дзæуджыхъæуы стыр аргъ скодтой. Уазæг йæхæдæг та радзырдта Цæгат Ирыстонмæ ссæугæйæ йæ зæрдæйы цы æхсызгонд æнкъарæнтæ сæвзæрд, уыдоны тыххæй. Стæй загъта, юмор алы адæймаджы царды дæр ахсджиаг бынат кæй ахсы, уый.
