Дыууæ зындгонд уæрæсейаг театры æмгуыстады фæлгæты, арæзт æрцыд Гергиты Ларисæйы авторон цикл «Владикавказ времен Евгения Вахтангова»-йы премьерæ
Евгений Вахтанговы Хæдзары фыццаг хатт фембæлдысты Уæрæсейы адæмон артисткæ Гергиты Ларисæ æмæ Мариинаг театры солисттæ. Дыууæ зындгонд уæрæсейаг театры æмгуыстады фæлгæты, арæзт æрцыд Гергиты Ларисæйы авторон цикл «Владикавказ времен Евгения Вахтангова»-йы премьерæ. Уый у рагон Дзæуджыхъæуы культурæ æмæ аивадимæ баст музыкалон изæрты цикл. Стыр æргом дзы здæхт цæуы уыцы дуджы зындгонд адæмы, оперæйы, театры æмæ культурон азфысты ирддæр цаутæм. Уыимæ канд Дзæуджыхъæуы нæ, фæлæ Уæрæсейы, æмæ суанг æппæт дунейы дæр. Музыкалон изæрты циклы фыццаг фембæлд баст уыд Дзæуджыхъæуы минæвар, Советон Цæдисы адæмон артист, зындгонд зарæггæнæг Павел Лисицианимæ.
