Зонгæ кæнынц кæрæдзийы фæлтæрддзинадимæ, æргом кæнынц сæ куысты сусæгдзинæдтæ
Æцæг театралон аивад æрмæст сценæйы нæ райгуыры, фæлæ фæскулисæты дæр. Цалынмæ артисттæ радон премьерæйы репетициты фархайынц, уæдмæ звукорежиссертæ уыдонæй къаддæр ахсджиагдæр куыстыл хæст нæ вæййынц. Уникалон ахуырадон проект райдыдта Дзæуджыхъæуы. Евгений Вахтанговы номыл Академион уырыссаг театр суазæг кодта уырыссаг æвзагыл кусæг театрты звукорежиссерты хæстæг фæсарæнтæй. Зонгæ кæнынц кæрæдзийы фæлтæрддзинадимæ, æргом кæнынц сæ куысты сусæгдзинæдтæ. Уæрæсейы культурæйы министрады проекты тыххæй бæстондæр радзурдзæн Чехойты Фатимæ.
Цалынмæ актертæ ног сурæттæ аразынц, уæдмæ ахæм репетици цæуы фæскулисты дæр. Звукорежиссертæ кæд сценæмæ нæ рацæуынц, æмæ сæм кæд дирижеры къæцæл дæр нæй, уæддæр уыцы специалисттæ разамынд дæттынц спектаклы зæлынадæн. Иу куыст кæнынц актертимæ, иу сты се *нкъарæнтæ дæр.
7 бонмæ Уырыссаг академион театры зал сси ахуырадон фæз. 8 специалисты хæстæг фæсарæнтæй зонгæ кæнынц кæрæдзийы фæлтæрддзинадимæ, æргом кæнынц дæсныйады сусæгдзинæдтæ.
Проекты архайджыты иу кæны сæ дæсныйады бæрзæндтæм тырнындзинад. Сæ зонындзинæдтæ уæрæхдæр кæнынц алыхуызон нырыккон тæхникон фæрæзтæй пайдагæнгæйæ.
Театрты специалистты дæсныйады хицæндзинæдтимæ зонгæ кæны Екатерина Вербицкая. Сæйраг звукорежиссер сын амоны спектаклы хъæлæсы дизайны сусæгдзинæдтимæ. Проекты архайджытæн скодтой практикон ахуыртæ дæр.
Проект царды уагъд цæуы Уæрæсейы культурæйы министрады æххуысæй. Звукорежиссертæ архайдзысты Никита Верзилины постановкæ «Двое на качелях»-ы. Спектаклы премьерæ нысан кæнынц 3-æм июльмæ.
