Æрбахуыдтой йæм Дзæуджыхъæуы электроникæйы колледжы студентты
Евгений Вахтанговы номыл Академион уырыссаг театры арæзт æрцыд спектакль «Снегурочка»-йы сæрмагонд равдыст. Æрбахуыдтой йæм Дзæуджыхъæуы электроникæйы колледжы студентты. Александр Островскийы пьесæмæ гæсгæ æвæрд спектакль бирæтæн сси æнæнхъæлæджы ногдзинад. Фыццаг бакастæй – аргъауы сюжет, фæлæ йæ мидисы та арф хъуыдытимæ ныхас. «Снегурочка» дзурæг у актуалон темæтыл. Кæд æнус æмæ рдæг рацыди, уæддæр. Уарзондзинады æмæ удварны хæзнаты хсæн тох. Афтæмæй æнкъарæнтæ фæтых сты царды уавæртыл. Спектаклы трагикон финал дæр уымæн æвдисæн. Уæвгæ, классикæимæ фембæлдтытæ фæсивæдæн æххуыс кæнынц театры æгæрон тых банкъарынæн. Ивгъуыд аз Уырыссаг театры спектакльтæм, Пушкины картæмæ гæсгæ, бакастысты 6 мины æмæ 500 ахуырдзауæй фылдæр. Проект фæсивæдæн фадат дæтты нæ бæстæйы æмæ нæ регионы культурæимæ бæстондæр зонгæ кæнынæн
